Almatyda 219 km jańa sýmen jabdyqtaý jelisi salyndy

<p>ALMATY. KAZINFORM &ndash; Almatyda bıyl 219 shaqyrym jańa sýmen jabdyqtaý jáne sý burý jelileri salyndy.</p>

«Bıyl 9 aıda 219 km jańa sý qubyry jáne sý burý júıeleri salyndy, 27,3 km qoldanystaǵy jeliler jańǵyrtyldy. 2025 jyly taǵy 260 km qurylys jáne 87 km jelini jańǵyrtý josparlanǵan»,- dep habarlady Almaty qalalyq energetıka jáne sýmen jabdyqtaý basqarmasy.

Elektrmen jabdyqtaý salasynda qańtardan qyrkúıekke deıin 66 km jeli qaıta quryldy. 2025 jyly taǵy 123 shaqyrym jelini jańǵyrtý josparda. Sondaı-aq, Almaty qalasynyń elektr jelilerin 2030 – 2040 jylǵa deıin damytý shemasy ázirlendi.

«Almatyda sapaly jylýmen jabdyqtaý úshin 20 km jeli qaıta quryldy. «ATKE» JShS 4 qazandyqty jańartylyp, 81 qazandyqty jóndeýden ótkizdi. Bul jelilerdiń tozýyn 57,9%-dan 56,1%-ǵa tómendetýge múmkindik berdi. Qazirgi jylytý maýsymyna 140% kómir jáne 100% mazýt qory jınaldy. Barlyǵy 404 bilim berý nysany, 128 densaýlyq saqtaý nysany jáne 8 863 turǵyn úı qamtyldy»,- dep atap ótti ákimdikten.

Osylaısha, qabyldanyp jatqan sharalar 2025 jyly sýmen jabdyqtaý jelileriniń tozýyn 53,5%-ǵa, sý burýdy 55,2%-ǵa, elektrmen jabdyqtaýdy 64%-ǵa deıin tómendetýge múmkindik beredi.