Almatyda 2030 jylǵa deıin úsh jańa metro stantsııasy salynady

<p>Almatyda metropolıtenniń úshinshi kezeginiń qurylysy aıasynda 2025 jyly &laquo;Qalqaman&raquo; metro stantsııasy salynady. Ol jolaýshylar sanyn táýligine 20 myń adamǵa arttyrýǵa múmkindik beredi. Bul týraly Almaty qalasy ákiminiń orynbasary Asqar Ámirın máslıhattyń kezekten tys XII sessııasynda aıtty, dep habarlaıdy <a href="Kazinform." target="_blank" rel="noopener">Kazinform.</a></p>

Spıkerdiń sózinshe, 2030 jylǵa deıin «Barlyq» bazaryna deıin qosymsha úsh stantsııa salý josparlandy. Onda «Batys» avtovokzaly, LRT jáne metropolıten stantsııalary kiretin iri mýltımodaldy kólik toraby qurylady. Sondaı-aq uzyndyǵy 3,1 shaqyrym bolatyn «Saryarqa» jáne «Baýyrjan Momyshuly» stantsııalary iske qosylsa da, kún saıyn jolaýshylar aǵyny artqan.

«Ótken jyldyń basynda 70 myń adam bolsa, búginde qarbalas ýaqytta 100 myń jolaýshyǵa jetedi. Metronyń marshrýttyq jelisinde 11 stantsııa bar. Vagon parkinde 15 elektrli jyljymaly quram bar, onyń ishinde 11 quram jelide júredi. Aıta keteıik, bıylǵy jyldyń basynda 8 quram bolǵan, qyrkúıekte eki, jeltoqsanda taǵy bir quramdy qostyq. Sebebi, jolaýshylar aǵyny artqan. Sonymen birge 2 quram rezervte, taǵy 2-eýi jóndeýde tur», - dedi Asqar Ámirın.

Ol bes radıaldy joldy Úlken Almaty aınalma avtojolyna deıin uzartý josparlanǵanyn da tilge tıek etti. 2027 jylǵa qaraı jumystar aıaqtalǵan soń Almaty aglomeratsııasy men qala ortalyǵyna deıin kólik baılanysyn ornatýǵa múmkindik beriledi.