Almatyda 2024 jyly kópdeńgeıli avtoturaqtar paıda bolýy múmkin

<p>Almaty ákimi Erbolat Dosaev kópdeńgeıli parkıngterdi damytý josparlary týraly aıtty, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.&nbsp;</p>

Medeý aýdany turǵyndarynyń biri megapolıs ákimimen kezdesýde Snegın kóshesinde 15 jyldan astam ýaqyt boıy kópdeńgeıli parkıng qaraýsyz turǵanyn jetkizdi. Aıtýynsha, ony ártúrli asotsıaldy elementter, qańǵybas ıtter panalaýda. Bul turǵyndarǵa úlken qolaısyzdyq týdyrady.

«Biz bul máseleni sheshý joldaryn qarastyrýdamyz. Esterińizde bolsa, men qalada kópdeńgeıli parkıngterdi damytý boıynsha tapsyrma bergen bolatynmyn. Másele obektini satyp alý men onyń baǵasyna qatysty. Bıyl bizde qarjylyq múmkindikter bolmaıdy, biraq 2024 jylǵa arnalǵan bıýdjetti qalyptastyrý kezinde men turǵyndarǵa yńǵaıly bolý úshin olardy kópdeńgeıli parkıngterge aınaldyrý úshin satyp alýǵa nemese qurylysty aıaqtaýǵa bolatyn barlyq oryndy qaraýǵa qatysty tapsyrma berdim. Samal boıynsha tapsyrma beremin: bul joba qanshaǵa baǵalanatynyn kóreıik. Sol jerde yńǵaıly ári durys parkıng jasaý qarastyrylady. Siz durys baıqaǵansyz, eski kópdeńgeıli parkıng burynnan tur. Biz ony jasaı alamyz ba álde buzý kerek pe? Qarastyramyz», - dedi Erbolat Dosaev.

Buǵan deıin qala basshysy kópdeńgeıli avtoturaq salý baǵdarlamasy qolǵa alynǵany týraly aıtqan bolatyn.