Almatyda 200 kóshe jańa ataýdy qajet etedi – ákimdik

<p>ALMATY. KAZINFORM &ndash; Búgingi kúni Almatyda 200 kóshe jańa ataýdy qajet etedi. Bul týraly Erbolat Dosaevtyń Túrksib aýdany turǵyndarymen kezdesýi barysynda málim boldy.</p>

Túrksib aýdany turǵyndarynyń biri kóshe ataýyna qatysty máseleni kóterdi.

«Túrksib - tarıhy tereń, kóne aýdandardyń biri. Ókinishke oraı, kóshelerdiń kóbine ózge ult ókilderiniń esimi berilgen. Nege sol kóshelerdiń ataýyn ózimizdiń halyqqa eńbegi sińgen batyrlarymyzdyń, aqyn-jazýshylarymyzdyń, saıası tulǵalardyń esimine aýystyrmasqa. Bul múmkin be?»,- dep surady aýdan turǵyny.

Almaty ákiminiń orynbasary Arman Qyryqbaevtyń aıtýynsha, megapolıste jańa ataýdy qajet etetin 200 kóshe bar. Teń jartysynyń ataýy múldem joq.

«Atalǵan kósheler boıynsha ótinishterdi qalalyq onomastıka komıssııasy qarady. Endi respýblıkalyq komıssııanyń jaýabyn kútip otyrmyz. Jalǵyz Túrksib aýdany emes, qaladaǵy segiz aýdanda da eski ataýmen qalǵan kósheler bar»,- dedi Erbolat Dosaev.

Eske salaıyq, 2018 jyldyń sońynda Almatyda 27 yqshamaýdan men 200-ge jýyq kósheniń ataýy ózgergen bolatyn.