Almatyda 180 lıfttiń paıdalaný merzimi ótip ketken

<p>Almatyda byltyr 109 kópqabatty úıdiń 198 lıftisi jańartyldy, dep habarlaıdy <a href="Kazinform" target="_blank" rel="noopener">Kazinform</a>.</p>

Almatynyń kommýnaldyq ınfraqurylymdy damytý basqarmasynyń dereginshe, megapolıste 12 836 lıft tirkelgen, onyń 6 885-si qalanyń turǵyn úı qoryna tıesili. Paıdalaný merzimi 25 jyldan asyp ketken 180 lıft bar.

«Turǵyndardyń qaýipsizdigin qamtamasyz etý maqsatynda 2023 jyly 86 kóppáterli turǵyn úıde 155 birlik lıft jabdyǵyn aýystyrý josparlandy. 2023 jyldyń sońynda jospar asyra oryndaldy, jumys qorytyndysy boıynsha 109 úıdiń 198 lıft aýystyryldy», - dep habarlady ákimdikten.

Turǵyn úı-kommýnaldyq sharýashylyǵyn damytý baǵdarlamasy aıasynda byltyr 95 kóppáterli turǵyn úı kúrdeli jóndeýden ótti. Al 2024 jyly 100 kóppáterli turǵyn úıdi jańartý josparda.

«2011-2022 jyldar aralyǵynda «Almaty turǵyn úı» ýákiletti uıymy 965 kóppáterli turǵyn úıde jóndeý jumystaryn júrgizdi jáne 907 úıde 1 935 lıft aýystyryldy»,- dep atap ótti qalalyq ákimdikten.

Aıta keteıik, Almatyda TKSh jańǵyrtýdyń memlekettik baǵdarlamasy sheńberinde turǵyndar úıdi 8 jyldan 15 jylǵa deıingi merzimge qaıtarymdy negizde kúrdeli jóndeýden ótkize alady.
Baǵdarlamaǵa qatysý úshin turǵyndar jalpy jınalysta turǵyn úıdi jóndeý týraly sheshim qabyldaıdy, sodan keıin basqarý organy hattama men «Almaty turǵyn úı» JShS baǵdarlamasynyń operatoryna qatysýǵa ótinim beredi.