Almatyda 17 jastaǵy júrgizýshiniń kesirinen 4 kólik soqtyǵysty

<p>ALMATY. KAZINFORM &ndash; Almatynyń Ál-Farabı dańǵylynda túnde jol apaty bolyp, 4 kólik soqtyǵysty, dep habarlaıdy qalalyq Polıtsııa departamentiniń baspasóz qyzmeti.</p>

Oqıǵa kýágerleri vıdeo túsirip, áleýmettik jelige jarııalady.

Almaty qalalyq polıtsııa departamentiniń málimetinshe, jol apaty 19 naýryz keshki saǵat 21.00-de Bostandyq aýdanynda bolǵan.

«Jol apatynda 4 kólik soqtyǵysty. Aldyn ala málimet boıynsha Toyota Camry kóliginiń 17 jastaǵy júrgizýshisiniń kinásinen jol apaty boldy. Zardap shekkender joq. Atalǵan derek Bostandyq aýdanynyń polıtsııa basqarmasynda tirkelip, óndiriske qabyldandy. Sondaı-aq tıisti saraptamalar taǵaıyndaldy», - dep habarlady qalalyq polıtsııa departamentiniń baspasóz qyzmeti.