Almatyda 1656 avtobýs júrgizýshisiniń quqyǵy qorǵaldy

<p>ALMATY. KAZINFORM &mdash; Megapolıstiń iri jolaýshylar tasymaldaýshysy eńbek zańnamasyn buzǵan. Bul týraly Almaty qalasynyń prokýratýrasy málimdedi.</p>

— Túrksib aýdanynyń prokýratýrasy qalanyń eń iri jolaýshylar tasymaldaýshysynyń 1656 avtobýs júrgizýshisiniń konstıtýtsııalyq quqyqtaryna nuqsan keltirgen eńbek zańnamasyn buzǵandyǵyn anyqtady Buzýshylyqtar ústeme jumystardyń shekti sanynyń artýynan, aýysymaralyq demalys uzaqtyǵynyń qysqarýynan jáne júrgizýshilerge demalys kúnderiniń berilmeýinen oryn alyp kelgen,— dep habarlady prokýratýradan.

Vedomstvonyń málimetinshe, tasymaldaýshynyń mundaı áreketteri jol qozǵalysy qaýipsizdigine áser etedi jáne azamattardyń ómiri men densaýlyǵyna qaýip tóndiredi.

— Taldaý nátıjelerine sáıkes tasymaldaýshy ákimshilik jaýaptylyqqa tartyldy, qadaǵalaý aktisi boıynsha jiberilgen buzýshylyqtar joıyldy, jumysshylardyń eńbek quqyqtary qalpyna keltirildi,— delingen habarlamada.

Aıta keteıik, Almatynyń qoǵamdyq kólikteri sońǵy 4 jylda 920 márte jol apatyna ushyraǵan.