Almatyda 140 áıel daǵdarys ortalyqtaryna jiberildi

<p>ALMATY. KAZINFORM &ndash; Jyl basynan beri 6 myńnan astam adam profılaktıkalyq esepke alyndy. 5 607 turǵynǵa qorǵaý nusqamasy shyǵaryldy. 586 quqyq buzýshyǵa erekshe minez-qulyq talaptary belgilendi.</p>

Almaty qalalyq PD jergilikti polıtsııa qyzmeti basqarmasy bastyǵynyń orynbasary Aıtan Eleýsizovtiń aıtýynsha, otbasy-turmystyq qatynastar salasyndaǵy qylmystyń artýyna QR Qylmystyq kodekske qosymsha baptardyń engizilýi áser etti.

«Otbasy-turmystyq qatynastar salasynda quqyq buzýshylyq jasaǵan adamdarǵa qatysty negizgi aldyn alý sharalardyń biri – olarmen úzdiksiz profılaktıkalyq jumys júrgizý. Jyl basynan beri 6193 adam profılaktıkalyq esepke qoıylyp, 5607 adamǵa qorǵaý nusqamasy shyǵaryldy, al 586 quqyq buzýshynyń tártibine erekshe talaptar qoıyldy. 156 adam májbúrlep emdeýge jiberildi», - deıdi polıtsııa ókili.

Sonymen qatar qorǵanys buıryǵyn buzǵany úshin 294 adam ákimshilik jaýapkershilikke tartyldy, erekshe minez-qulyq talaptaryn buzǵany úshin – 189, dene jaraqatyn salǵany úshin – 1 303, al jeńil dene jaraqatyn keltirgeni úshin – 751 adam jazalandy. 

«Polıtsııa zardap shekken áıelderge qoldaý kórsetip, 140-tan astam áıeldi balasymen daǵdarys ortalyqtaryna jiberdi. Sondaı-aq, 99 otbasylyq buzaqy minez-qulqyn túzetýge arnalǵan psıhokorrektsııalyq baǵdarlamaǵa jiberilgen», – dedi Aıtan Eleýsizov.

Osyǵan deıin Memleket basshysy Qasym-Jomart Toqaev turmystyq zorlyq-zombylyq týraly zańdarǵa qol qoıdy.