Almatyda 133 myńnan astam oqýshy tegin tamaqtanady

<p>ALMATY.KAZINFORM-Jańa oqý jylynda Almatynyń 133 myńnan astam oqýshysy tegin ystyq tamaqpen qamtylady.</p>

Almaty ákiminiń orynbasary Ásem Núsipovanyń aıtýynsha, oqýshylardyń tamaǵyna jergilikti bıýdjetten 16,5 mlrd teńge bólindi.

«Halyqtyń áleýmettik osal toptarynan shyqqan balalar úshin tamaqtaný tegin bolady, bul jerde 1-11 synyp oqýshylary qamtylady», - dedi Ásem Núsipova.

Ol sondaı-aq tamaqtaný quny 840 teńge ekenin atap ótti.

«Durys teńdestirilgen tamaqtaný – bizdiń balalarymyzdyń densaýlyǵy men tabysynyń kepili», - dep tolyqtyrdy ol.

Aıta keteıik, megapolıste 2022 jyldan beri áleýmettik mártebesine qaramastan 1-4 synyp oqýshylary tegin tamaqpen qamtamasyz etiledi.