Almatyda 12 muz aıdyny tegin bolady

<p>ALMATY.KAZINFORM &ndash; Almatyda megapolıs turǵyndary men qonaqtary úshin 12 tegin ashyq muz aıdyny jumys isteıtin bolady. Bul týraly qalalyq sport basqarmasy málim etti.</p>

Qala ákimdigi baspasóz qyzmetiniń málimetinshe, birinshi jeltoqsanan bastap shaharda 12 muz aıdyny ashylady.

Kirý tegin. Konkıdi sol jerden jalǵa alýǵa bolady. Jalǵa alý quny – 1,5 myń (2 saǵat) teńge.Ózińizdiń konkıińizben syrǵanaý tolyqtaı tegin. Jalǵa berý pýnktteri jumys kúnderi 10:00-den 22:00-ge deıin jáne demalys kúnderi 10:00-den 23:00-ge deıin jumys isteıdi.

Muz aıdyndary kún saıyn kelesi mekenjaılar boıynsha jumys isteıtin bolady:

- Respýblıka Saraıynyń aldyndaǵy Abaı alańy;
- Halyk Arena;
- 28 batyr-panfılovshylar atyndaǵy saıabaq;
- Tuńǵysh Prezıdent saıabaǵy;
- Naýryzbaı ákimdiginiń aldyndaǵy alań;
- QBTÝ turaǵy;
- «Avıator» stadıony;
- Kókjıek sh/a;
- «Gúlder» saıabaǵy;
- Almaty Arena;
- №6 oqýshylar úıi;
- Músirepov atyndaǵy jasósprimider teartynyń aldy.

«Barlyq muz aıdynynyń ótkizý qabileti bir maýsymda 300 myńnan astam adam. Ashyq muz aıdyny boıynsha jobany sport basqarmasy 2017 jyldan bastap iske asyryp keledi. Osy ýaqyt ishinde olarǵa 2 mıllıonnan astam adam keldi», - dep atap ótti ákimdikten.