Almatyda 1 tonnaǵa jýyq qoqys pen laı syrtqa shyǵaryldy

<p>ALMATY. KAZINFORM - Qazgıdromettiń boljamy boıynsha 28-30 naýryz kúnderi Almatyda jańbyr túrinde jaýyn-shashyn bolady dep kútilýde. Osyǵan baılanysty Almaty ákimdigi daıyndyq jumystaryn málim etti.</p>

Almaty ákimdiginiń málimetinshe, qalanyń kommýnaldyq qyzmetteri aryq jelileri, aryq ótkelderi men qoqys tógilgen jerlerge tazalyq jumystaryn júrgizdi. 

«27 naýryzdaǵy jaǵdaı boıynsha 985 tonna qoqys pen laı shyǵaryldy. Barlyq aryq jelisi tazartyldy. Jaýyn-shashyn kezinde sý basýdyń aldyn alý úshin motopompalarmen jáne shants quraldarymen jabdyqtalǵan 52 jedel mobıldi brıgadanyń kezekshiligi uıymdastyrylady. 2 myń qap qum daıyndaldy. Aýdandyq ákimdikterde jumysty baqylaý boıynsha táýlik boıy kezekshilik júrgiziledi», - dep habarlady ákimdiktiń baspasóz qyzmeti.

Foto: Almaty ákimdigi

Almaty ákimdigi sondaı-aq qala turǵyndarynan aryqtardy, nóser aǵyndary men kanaldarǵa qaldyqtardy tastamaýdy eskertti.

«ÁQBtK-niń 505-baby «Qalalar men eldi mekenderdiń aýmaqtaryn abattandyrý qaǵıdalaryn buzý, sondaı-aq ınfraqurylym obektilerin buzý, qala men eldi mekenderdiń jasyl jelekterin joıý jáne zaqymdaý» boıynsha buzýshylar ákimshilik jaýapqa tartylatynyn eskertemiz. Bul eskertýge nemese 20 AEK mólsherinde aıyppul salýǵa ákelýi múmkin», - dep eskertti ákimdiktegiler.