Almatyda 1-synypqa baratyn balalardyń 90%-y — qazaqtildi – Erbolat Dosaev

<p>ALMATY. KAZINFORM &ndash; Almaty qalasynyń ákimi Erbolat Dosaev Áýezov aýdanynyń turǵyndarymen kezdesý ótkizdi. Suraq-jaýap kezinde qala turǵyny megapolıste qazaq tili qoldanysyn keńeıtý boıynsha qandaı jumystar atqarylyp jatqanyn surady. Sondaı-aq, Almatyda qazaq tilinde bilim beretin mektepterdiń úlesi az ekenin aıtty.</p>

- Almatyda jalpy mektepterdiń – 35%-y ǵana qazaq tildi mektepter eken. Onyń ózi memlekettik mektepterdi alǵanda. Al eger jekemenshik mekteptermenen qosatyn bolsaq, onda odan da tómen. 2020 jyly Prezıdentimiz «Memlekettik til – ortaq tilge aınalýy kerek» dep úndeý jasaǵan, sol boıynsha qandaı jumystar júrgizilip jatyr? – dedi turǵyn.

Foto: Kazinform

Aıtylǵan suraqqa jaýap bergen qala ákimi 1-synypqa baratyn balalardyń 90%-y qazaq tilin tańdaıtynyn atap ótti.

- Qazaq tili – memlekettik til bolǵannan keıin ony damytý úshin kóp jumystardy istep jatyrmyz. Endi bárin osy kezdesýdiń basynda bárin aıta almaımyn. Al qalamyzda jańa salynyp jatqan mektepterdiń kóbisi qazaq tilinde ashylyp jatyr. Onyń ishinde gımnazııa da bar, lıtseı de bar. Osy jyly 1-synypqa kelgen balalardyń 90%-y — qazaqtildi, – dedi Erbolat Dosaev.