Almatyda 1 myńnan astam adam bankrot dep tanyldy

<p>ALMATY. KAZINFORM &ndash; Almatyda 6,6 mlrd teńgeden astam qaryzy bar azamattar &laquo;bankrot&raquo; dep tanyldy. Bul týraly óńirlik kommýnıkatsııalar qyzmetinde ótken baspasóz máslıhatynda Almaty qalasy boıynsha Memlekettik kirister departamentiniń qaryzyn óteı almaıtyn boryshkerlermen jumys basqarmasynyń basshysy Aıdos Budyǵulov málimdedi.</p>

Memlekettik kirister departamenti ókiliniń deregine súıensek, búginde 1 134 azamat «bankrot» dep tanyldy. Olardyń jalpy qaryzy - 6,6 mlrd teńgeden asady.

«Almatyda bankrottyq rásimine jeke tulǵalardan 8100 ótinish tústi. Onyń 5 980-i keri qaıtaryldy. Sonymen qatar, 676 ótinish qabyldanyp, qarjylyq monıtorıng júrgizý bastaldy», – deıdi basqarma basshysy.

Aıtýynsha, qazir sot bankrottyǵyna qatysty 27 ótinish boıynsha is qozǵaldy. Onyń ishinde 7 adamǵa sot bankrottyǵy qoldanyldy.

Eske sala keteıik, 2023 jyly 3 naýryzda elimizde bankrottyqqa ótinim qabyldaý bastaldy.