Almatyda 1 qarashada úı janýarlaryn tegin chıpteý bastalady

<p>Almaty qalasy kásipkerlik jáne ınvestıtsııalar basqarmasy 1 qarasha men 20 jeltoqsan aralyǵynda úı janýarlaryn tegin chıpteý jáne tirkeý baǵdarlamasy bastalatynyn málim etti, dep habarlaıdy Kazinform.</p>

Baǵdarlama aıasynda 15 myń úı janýaryn (ıt pen mysyqtardy) chıpteý jáne tirkeý kózdelgen.

“QR 2021 jylǵy 30 jeltoqsandaǵy № 97-VII QRZ «Janýarlarǵa jaýapkershilikpen qaraý týraly» zańý, QR Ekologııa, geologııa jáne tabıǵı resýrstar mınıstriniń 2022 jylǵy 20 mamyrdaǵy №169 «Úı janýarlaryn esepke alý qaǵıdasyn jáne esepke alýǵa jatatyn úı janýarlarynyń tizbesin bekitý týraly» buıryǵyna sáıkes, barlyq úı mysyqtary men ıtteri belgilengen (bolıýspen, chıppen, bilezikpen nemese moıyn jaǵasymen, elektrondyq belgisimen, qulaq syrǵasy nemese basylǵan tańbamen) jáne «TANBA» úı janýarlaryn esepke alýdyń biryńǵaı bazasynda tirkelgen bolýy tıis”, - dep habarlady vedomstvoda.

Almaty qalasynyń turǵyndary úshin «TANBA» esepke alýdyń biryńǵaı bazasynda tegin chıpteý jáne tirkeý rásimi kelesi veterınarııalyq emhanalarda júrgiziledi:
1.«ALLVET» veterınarııalyq emhanasy, mekenjaıy: Tóle bı kóshesi, 279 B, tel: [phone];
2.«Mastıno» veterınarııalyq emhanasy, mekenjaıy: Esenberlın kóshesi, 217, tel: [phone];
3.«Barys» veterınarııalyq emhanasy, mekenjaıy: Raıymbek dańǵyly, 223 «B», tel: [phone];
4.«Vetstantsııa» veterınarııalyq emhanasy, mekenjaıy: Seıfýllın dańǵyly, 49, tel: [phone];
5.«MedVet» veterınarııalyq emhanasy, mekenjaıy: Lýganskıı kóshesi, 54/1V, tel: [phone];
6.«DOG PREMIUM» veterınarııalyq emhanasy, mekenjaıy: Grıboedov kóshesi, №105, tel: [phone];
7.«Hvostıkı» veterınarııalyq emhanasy, mekenjaıy: Jandosov kóshesi, 54, tel: [phone];
8. «Aıbolıt» veterınarııalyq emhanasy, mekenjaıy: Abaı dańǵyly, 26, tel: [phone].

Rásimnen ótý úshin, janýar ıesi joǵaryda atalǵan mekenjaılardyń birine janýarymen birge baryp, ótinish jasaýy qajet. Janýar ıesiniń ózimen birge jeke kýáligi, mobıldi telefony jáne bar bolǵan jaǵdaıda, janýardyń veterınarııalyq pasporty (bolmaǵan jaǵdaıda, janýar ıesiniń esebinen veterınarııalyq emhanada resimdeledi) bolýy tıis.

Veterınarııalyq mamandar janýarǵa mıkrochıp ornatady, janýardyń jáne onyń ıesiniń derekterin «TANBA» úı janýarlaryn esepke alýdyń biryńǵaı bazasyna engizedi, sonan soń janýar ıesiniń mobıldi nómirine Kezekte.kz alty belgilik rastaý kody bar 1414 (e-gov) nómirinen SMS habarlama keledi, ony janýardyń jeke basyn rastaý úshin, 30 sekýnd ishinde veterınarııa mamanyna habarlaý kerek.

Basqa da suraqtar boıynsha kórsetilgen qyzmet ornyndaǵy veterınarııa mamanynan keńes alýǵa bolady. Sondaı-aq atalǵan qyzmetti usyna otyryp, úı-úıdi aralap tekserý jumysy kózdelgen, ótinish berý úshin baılanys derekteri tómendegideı:
1. Alataý aýdany – 8 [phone];
2. Almaly aýdany – 8 [phone];
3. Áýezov aýdany – 8 [phone];
4. Bostandyq aýdany – 8 [phone];
5. Jetisý aýdany – 8 [phone];
6. Medeý aýdany – 8 [phone];
7. Naýryzbaı aýdany – 8 [phone];
8. Túrksib aýdany – 8 [phone].