Almatyda 1 aqpannan bastap sýyq sý men kárizdiń tarıfi ózgeredi

<p>ALMATY. KAZINFORM &ndash; Almatyda 2025-2029 jyldarǵa arnalǵan sýmen jabdyqtaýǵa jáne sý burýǵa arnalǵan jańa tarıfter bekitildi. Bul týraly óńirlik kommýnıkatsııalar qyzmetinde ótken brıfıng barysynad Tabıǵı monopolııalardy retteý komıtetiniń Almaty qalasy boıynsha departamentiniń basshysy Ásel Bódeneeva aıtty.</p>

Spıkerdiń sózinshe, 2025 jyldyń 1 aqpannan bastap 2020-2024 jyldarǵa arnalǵan buryn bekitilgen tarıfterdiń qoldanylý merziminiń aıaqtalýyna baılanysty sýmen jabdyqtaýǵa jáne sý burýǵa jańa tarıfter engiziledi.

Sonymen, sýmen jabdyqtaýdyń ortasha tarıfi bir tekshe metri úshin 135,24 teńge, sý burýdyń bir tekshe metri - 83,54 teńge bolady.

Almatyda turatyn tutynýshylar úshin ortasha túbirtek:

- sýyq sýmen jabdyqtaý boıynsha 32 sharshy metr alańy bar 1 bólmeli páter 156 teńgege jáne káriz úshin 139 teńgege (295 teńge) artyq;

- turǵyn alańy 48 sharshy metr 2 bólmeli páter sýyq sýmen jabdyqtaý boıynsha 234 teńgege jáne káriz úshin 208 teńgege (450 teńge) artyq;

- Turǵyn alańy 88 sharshy metr 3 bólmeli páter sýyq sýmen jabdyqtaý boıynsha 312 teńgege jáne káriz úshin 278 teńgege (600 teńge) artyq.

Ásel Bódeneevanyń aıtýynsha, osy ınvestıtsııalyq baǵdarlamalardy iske asyrý sý qubyry jáne káriz jelileriniń tozýyn jáne apattyq jaǵdaılar sanyn jyl saıyn tómendetýge jáne kórsetiletin qyzmetterdiń sapasyn arttyrýǵa yqpal etetin bolady.

«Jańa tarıftermen qatar, QR ónerkásip jáne qurylys mınıstrliginiń Qurylys jáne turǵyn úı-kommýnaldyq sharýashylyq isteri komıtetimen birlesip, sýmen jabdyqtaý jáne sý burýdyń rettelip kórsetiletin qyzmetteri boıynsha 2025-2029 jyldarǵa arnalǵan jańa bes jyldyq kezeńge arnalǵan ınvestıtsııalyq baǵdarlamalar da bekitildi»,– dep atap ótti Ásel Bódeneeva.

Baǵdarlama aıasynda 2024 jyldyń qyrkúıek aıynan bastap jeke tulǵalar úshin sýdy «tutynýdyń áleýmettik normalary» engizildi.

«Neǵurlym kóp únemdeseńiz, soǵurlym az tóleısiz» qaǵıdaty boıynsha tarıfter tutyný kólemine baılanysty ózgerip otyrady:

- 1 adamǵa aıyna 3 tekshke metrge deıin - 91,96 teńge;

- 3 tekshe metrden 5 tekshe metrge deıin 1 adamǵa - 110,36 teńge;

- 5 tekshe metrden 10 tekshe metrge deıin - 137,94 teńge;

- aıyna 10 tekshe metrden joǵary jáne sýdy esepteıtin jeke aspaptary joq jeke tulǵalar - 183,92 teńge tóleıdi.

Alynǵan qarajat resýrs únemdeýshi tehnologııalardy engizýge, jabdyqtardy jańǵyrtýǵa jáne jelilerdi jóndeýge baǵyttalady.

Osyǵan deıin esepteý quraldary joq almatylyqtarǵa sýdy qoldaný normalary ózgeretini týraly jazǵan edik.