Almaty zoobaǵy aýstralııalyq kengýrýlardy kórsetti
Zoobaqtyń baspasóz qyzmetiniń málimetinshe, aýstralııalyq kengýrýlar Almatynyń aýa raıyna beıimdelgen.
«Bizdiń zoobaǵymyzdaǵy aýstralııalyq kengýrýlar Almatynyń aýa raıyna beıimdelip ketken. Biraq, qysqy mezgilde biz olardy jyly orynǵa ornalastyramyz. Eger de aýa temperatýrasy kúz kezinde +15 gradýsqa deıin jyly bolsa, kengýrýlarymyzdy dalaǵa shyǵaramyz. Qazirgi ýaqytta zoobaǵymyzda 10 kengýrý bar. Olardyń ekeýi vallabı, altaýy sur, ekeýi sary. Bir qorshaýdyń ishinde úsh túrli kengýrý tursa da, olar bir-birimen tatý», — delingen habarlamada.
Kengýrýlar sábiz, qyryqqabat, salat japyraqtary, alma, dándi daqyldarmen kórektenedi.
Kengýrý — qaltaly sútqorektiler tuqymdasyna jatatyn janýar.15 — 17 týysqa birigetin 55 túri bar.Salmaǵy 1,4 — 90 kg. Kópshilik túri sekirip qozǵalady, júgirgende jyldamdyǵy 50 km/saǵatqa deıin jetedi. Aýstralııa, Jańa Gvıneıa, Tasmanııa jáne Bısmark arhıpelagynda keńinen taralǵan.
Osyǵan deıin, Almaty zoobaǵynda sur kengýrý tóldegeni habarlanǵan bolatyn.