Almaty Ýrbanıstıka basqarmasynyń eks-basshysyn qamaýda ustaý merzimi uzartyldy

<p>Almaty qalalyq Josparlaý jáne ýrbanıstıka basqarmasynyń burynǵy basshysy Almashan Ahmetjanovty qamaýda ustaý merzimi uzartyldy. Bul týraly Sybaılas jemqorlyqqa qarsy is-qımyl agenttiginiń baspasóz qyzmetinen málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

«Almaty qalalyq Josparlaý jáne ýrbanıstıka basqarmasynyń burynǵy basshysyna qatysty bultartpaý sharasy ózgergen joq. Qamaý merzimi uzartyldy. Tergeý jalǵasyp jatyr», - dep habarlady Antıkordan.

Osy jyldyń 19 shildesinde Sybaılas jemqorlyqqa qarsy is-qımyl qyzmeti zańsyz qurylysqa ruqsat berip kelgen ýrbanıstıka basqarmasynyń basshysy ustalǵany týraly aqparat taratqan edi. 

Ol jer ýchaskelerin berý jáne obektilerdiń qurylysyn kelisý kezinde laýazymdyq ókilettikterin asyra paıdalandy degen kúdikke ilindi. Máselen, jeke turǵyn úı qurylysyna arnalǵan jer ýchaskelerinde, nysanaly maqsatyna qaramastan jáne qurylystyń tyǵyzdyǵyn eskermeı, jekelegen qurylys kompanııalarynyń múddesi úshin 2020-2023 jyldary 3 kóppáterli turǵyn úı kesheniniń qurylysyn zańsyz kelisken. Memleketke 307 mln teńgeden astam somaǵa jer ýchaskeleriniń tólenbegen kadastrlyq quny túrinde zalal keldi.