Almaty turǵyny ápkesiniń ólimine kináli adamnan 50 mln teńge ótemaqy talap etti

<p>ALMATY. KAZINFORM &ndash; Er adam ápkesiniń ólimine kináli adamnan 50 mln. teńge moraldyq zııan ótemaqysyn óndirip alý týraly talap qoıyp, Almaty qalasynyń №2 Almaly aýdandyq sotyna júgingen. Bul týraly QR Joǵarǵy sotynyń baspasóz qyzmeti málim etti.&nbsp;</p>

Jaýapqa tartylǵan azamat burynǵy zaıybymen janjaldasý kezinde oǵan 18 ret pyshaq salǵan. Saldarynan kóptegen dene jaraqatyn alǵan áıel aýrýhanada qaıtys boldy.

«Qaıtys bolǵan áıeldiń aǵasy qoıǵan talabynda qaryndasynyń ólimi oǵan jáne barlyq jaqyndaryna aýyr qaıǵy-qasiret ákelgenin atap kórsetti. Onyń ájesi men ákesi ýaıym-qaıǵynyń saldarynan qaıtys boldy. Ol otbasyna keltirilgen moraldyq zııandy 50 mln. teńgege baǵalady. Jaýapkerdiń ókili qoıylǵan talapty moıyndamaı, áıeldiń ólimine kináli adamǵa qylmysy úshin jaza qoldanylǵanyn — onyń 11 jylǵa bas bostandyǵynan aıyrylǵanyn jáne qoıylǵan talapta kórsetilgen somanyń qolynda joq ekenin atap kórsetti», — delingen habarlamada. 

Sot qoıylǵan talapty ishinara qanaǵattandyrdy. 

Parasattylyq pen ádildik talaptaryn basshylyqqa ala otyryp, talap qoıýshynyń paıdasyna moraldyq zııandy óteý retinde 10 mln. teńge óndirildi.

Sheshim zańdy kúshine engen joq.

Eske salaıyq, Aıman Asanova 2022 jyldyń 12 qazan kúni kóptegen pyshaq jaraqatynan medıtsınalyq mekemede qaıtys boldy. 

Keıin advokat áıeldi óltirdi degen kúdikpen onyń burynǵy kúıeýi ustaldy. 

20 maýsymda Almaty soty Aıman Asanovanyń burynǵy kúıeýin qatty psıhıkalyq tolqý jaǵdaıynda óltirgeni úshin kináli dep taýyp, 1,5 bas bostandyǵynan aıyrǵan edi.

Alaıda alqabıler qatysqan apellıatsııalyq sotta úkimniń kúshi joıyldy.

Aqyry er adamnyń eks-áıelin qasaqana óltirgeni dáleldenip, bir jarym jyl jazasy 11 jylǵa uzartyldy.