Almaty turǵyndary Reseıdiń Bas konsýldyǵynyń aldyna gúl shoqtaryn qoıyp jatyr

<p>ALMATY. KAZINFORM &ndash; Megapolıs turǵyndary Reseıdiń Almatydaǵy konsýldyǵyna baryp, Máskeý oblysyndaǵy teraktide qaza bolǵandardy eske alý úshin gúl shoqtaryn qoıdy. Qazaqstan halqy qaıǵyly jaǵdaıdan zardap shekkenderdiń týǵan &ndash; týystary men jaqyndaryna kóńil aıtyp, ǵımarttyń qaqpasyna &laquo;Aza tutamyz&raquo; degen jazbalar qaldyrdy. Qaza bolǵandary eske alǵan almatylyqtar sham jaqty.</p>

Buǵan deıin habarlanǵandaı, belgisiz bireýler Máskeý túbindegi Krasnogorsk qalasyndaǵy Krokýs sıtı holl ǵımaratynda oq jaýdyrǵan. 

Kýágerlerdiń aıtýynsha, qylmyskerler keshki saǵat 20:30 shamasynda, kontsert bastalar aldynda negizgi podezd arqyly ǵımaratqa kirip, kelýshiler men kúzetshilerge birden oq atqan. Sodan úsh-tórt adam kontsert zalyna kirip, kórermenderdi atyp, «Molotov kokteılderin» laqtyra bastaǵan. Osydan keıin shabýyl jasaǵandar qashyp ketken.

Foto: Aleksandr Pavskıı/ Kazinform

Qaıǵyly oqıǵaǵa baılanysty Qazaqstan azamattary úshin myna senim telefony boıynsha jedel jeli iske qosyldy: 8 [phone].

Foto: Aleksandr Pavskıı/ Kazinform

QR Syrtqy ister mınıstrligi habarlaǵandaı, Reseıdegi teraktide qaza tapqandar men zardap shekkender arasynda qazaqstandyqtardyń bolǵany týraly aqparat joq.
Reseı Tergeý komıtetiniń Bas tergeý basqarmasy Máskeý oblysyndaǵy teraktige qatysty qylmystyq is qozǵady.

Foto: Aleksandr Pavskıı/ Kazinform