Almaty taýlarynda júrgen qar kóshkini oblystyq mańyzy bar joldy jaýyp qaldy
Almaty oblysy TJD baspasóz qyzmetiniń málimetinshe, 11 aqpan kúni saǵat 9:10-da Eńbekshiqazaq aýdanynda qar jamylǵysynyń turaqsyz jaǵdaıyna baılanysty taýlardyń baýraıynda ózdiginen qar kóshkininiń júrgeni týraly habarlama tústi.
«Kóshkinniń jalpy kólemi 52,5 tekshe metrdi qurady. Qar kóshkini «Túrgen aýyly - Batan aýyly» oblystyq mańyzy bar tas jolyn jaýyp qaldy. Joldy «Qazseldenqorǵaý» mekemesiniń kúshteri men quraldary tazartyp jatyr. Túrgen ózeniniń arnasy boıymen sý qalypty jaǵdaıda ótýde. Qaza tapqandar men qıraǵan ǵımarattar joq», - dep habarlady TJD-da.
Azamattar men avtokólikterdiń jol qozǵalysynyń qaýipsizdigi maqsatynda Esik qalasy — Esik kóli — Túrgen avtojolynyń 15-41 shaqyrymy, sondaı-aq Túrgen aýyly — Batan — Assy observatorııasy avtojolynyń 20-41 shaqyrymy arasynda 1 mamyrǵa deıin jol jabyldy.