Almaty taýlarynda sel qaýpiniń «qyzǵylt sary» deńgeıi jarııalandy

<p>ALMATY. KAZINFORM &ndash; Búgin jáne erteń Almaty taýlarynda sel qaýpi joǵary. Osyǵan baılanysty tótenshe jaǵdaılar departamenti turǵyndarǵa taýǵa shyqpaý kerektigin eskertti.</p>

31 shilde men 1 tamyz aralyǵynda jańbyr jaýyp, aýa temperatýrasynyń kóterilýine baılanysty, ózenderde sý deńgeıiniń kóterilýi kútilýde. Almaty qalasynda jáne oǵan irgeles taýly aımaqta sý tasyqyny bolýy múmkin.

«Taý ózenderi boıynsha gıdrometeorologııalyq aqparatqa sáıkes, 31 shildedegi jańbyr genezısiniń sel qaýpiniń kúndelikti bıýlleteninen Іle Alataý taýlarynda qatty jaýyn-shashynnyń boljamyna baılanysty sel qaýpiniń «qyzǵylt sary deńgeıi» jarııalandy», - dep eskertti departament ókilderi. 

Qazseldenqorǵaý bólimsheleri sel qaýpi bar ýchaskelerde baqylaýdyń kúsheıtilgen rejımine aýystyrylyp, aerovızýaldy jáne jergilikti baqylaý júrgizilýde, ınjenerlik-tehnıkalyq qyzmetkerlerdiń táýlik boıy kezekshiligi uıymdastyryldy.

Sel qaýpi bar jerde ne isteý kerek:
- taýdaǵy jaǵdaı týraly buqaralyq aqparat quraldarynyń habarlaryn únemi qadaǵalap otyrý;
- eger qaýip tónse, nemese kenetten sel bolsa, releftiń eń bıik núktesine kóterilińiz;
- sel qaýpi bar kanaldardyń janynda, kópirlerde (bógetterde) jáne olardyń astynda shatyr tikpeý, aıaldamaý.