Almaty taýlarynda qar kóshkini júrip, muzdyqqa aparar joldy jaýyp tastady

<p>ALMATY. KAZINFORM &ndash; Almaty taýlarynda qar kóshkini júrip,&nbsp; Bogdanovıch muzdyǵyna aparatyn týrıstik joldy jaýyp tastady.</p>

«Qazseldenqorǵaý» memlekettik mekemesiniń málimetinshe, 19 aqpan tańǵy saǵat 8:00-den túski 15:00-ge deıin Almatynyń Kishi ózeni basseıninde ózdiginen segiz qar kóshkini boldy.

«Qar kóshkini saldarynan «Bogdanovıch» muzdyǵyna aparatyn týrıstik jolyna, sondaı-aq Tuıyq-sý muzdyǵyna aparatyn traktor jolyna qar túsken. Bul ýchaskede qys mezgilinde jol jabyq. Qaza tapqandar men zardap shekkender joq», - dep habarlady «Qazseldenqorǵaý» memlekettik mekemesinen.

Mekemeden atap ótkendeı, qar kóshkininiń kólemi 20,4 myń tekshe metrge jetken. Qaýipti aımaqtardyń aldyna eskertý taqtalary ornatylǵan. Demalys kúnderi qar kóshkini qaýpi bar aımaqqa kirýdi shekteý úshin baqylaý-ótkizý pýnkti ornatylǵan.