Almaty taýlarynda qar kóshkini júrdi

<p>ALMATY. KAZINFORM &ndash; Kishi Almaty jáne Úlken Almaty ózenderi basseınderiniń joǵarǵy aǵysynda qar kóshkinderi júrdi.</p>

Tótenshe jaǵdaılar mınıstrliginiń málimetinshe, sel, qar kóshkini júrý qaýpi bar arnalarynyń jaı-kúıin baǵalaý maqsatynda «Qazseldenqorǵaý» MM Qazavıaqutqarý tikushaǵymen áýeden zertteý júrgizidi.

«Talǵar ózeni alabynda qar kóshkini kólemi 300 tekshe metrge deıin jetti. Barlyq qar kóshkini taý betkeıinde toqtady. Aıtarlyqtaı kólemdegi qar kóshkini tirkelgen joq. Obektilerge qar kóshkini qaýpiniń tónýi anyqtalǵan joq», - delingen habarlamada.

Muzdaq kólder qysqy rejımde, qar men muzben jabylǵan. Kólderdegi muzdyqtardyń nemese muzdardyń zaqymdanýy anyqtalǵan joq. 

«Sý shyǵynynyń shegi qalypty deńgeıde. Bıik taýly aımaqtardaǵy qardyń qalyńdyǵy 1 metr. Kól bógetterinde nemese qurylystardyń tómengi aǵystarynda kózge kórinetin fıltratsııa belgileri tabylǵan joq»,- dep atap ótti mınıstrlikten.