Almaty taýlarynda bıyl 400-ge jýyq adam qutqaryldy

<p>ALMATY. KAZINFORM - Almatyda kún saıyn 50-den astam qutqarýshy, 12 tehnıka jáne 19 ıt kezekshilikke shyǵyp, tótenshe jaǵdaıǵa tap bolǵan almatylyqtarǵa kómekke keledi. Bul týraly Almaty qalasy boıynsha Tótenshe jaǵdaılardy joıý basqarmasynyń basshysy, azamattyq qorǵaý podpolkovnıgi Dmıtrıı ıArtsev jáne qutqarý qyzmetiniń ókili Hozy Búrkitbaıhan aıtyp berdi.</p>

Dmıtrıı ıArtsevtiń aıtýynsha, Almatyda eki negizgi qutqarý jasaǵy — Respýblıkalyq jedel-qutqarý jasaǵy (RJQJ) jáne qutqarý qyzmeti jumys isteıdi. Olardyń quramynda 308 adam jáne 447 tehnıka, úsh tikushaq bar. Kún saıyn 7 tehnıka jáne 6 qyzmettik ıti bar RJQJ-nyń 42 qyzmetkeri, sondaı-aq 5 tehnıkasy jáne 13 ıti bar 14 qutqarý qyzmetiniń qyzmetkeri kezekshilikte bolady.

Sondaı-aq TJD ókili «Qutqarýshylar men jolserikterdi taýǵa daıarlaý ortalyǵy», «Lıder KZ» jáne Alpınızm federatsııasy sııaqty eriktiler uıymdarymen mańyzdy ózara is-qımyl baryn atap ótti. Búgingi tańda sportshylardy, alpınısterdi jáne jol talǵamaıtyn kólikterdiń ıelerin qosqanda 258 qutqarýshy eriktiler tirkelgen.

– 2024 jyldyń alǵashqy toǵyz aıynda 210 izdeý-qutqarý operatsııasy júrgizildi, onyń 208-i taýda boldy. Nátıjesinde 396 adam, onyń ishinde 59 bala qutqaryldy, - dedi qutqarý qyzmetiniń ókili Hozy Búrkitbaıhan.

Eske salaıyq, buǵan deıin Almatyda er adam ózenge qulaǵan balany qutqaryp qalǵanyn jazǵanbyz.