Almaty taýlaryna qar tústi

<p>ALMATY. KAZINFORM &ndash;26 mamyrda Almatynyń taýlarynda qar jaýyp, qalada aýa temperatýrasy 12 gradýsqa deıin tómendedi.</p>

Búgin tańerteń megapolıste aýa raıy bultty, keı jerlerde ótkinshi jańbyr jaýady. Taýly aımaqtarǵa qar tústi. Kazinform oqyrmandary redaktsııaǵa jaýyn-shashynnyń sýretterin jiberdi. Áleýmettik jelide de jaýǵan qardyń vıdeosy tarap jatyr. 

Sonymen qatar «Shymbulaq» taý-shańǵy bazasynda da qar jaýdy. Shańǵy trassalary men kabeldi lıftterdi onlaın rejıminde translıatsııalaıtyn veb-kameralar kýrorttyq aımaqqa jaýyp jatqan qardy kórsetti. 

Foto: oqyrmandardan

 

Buǵan deıin Aqmola oblysynda qar jaýǵany týraly jazǵan edik. 

Sondaı-aq «Qazgıdromet» RMK-sy mamyrdyń 26-sy kúngi kún raıy boljamyn jarııalaǵan edi. 

Kásiporyn taratqan derekterge qaraǵanda, tsıklon jáne onymen baılanysty sýyq atmosferalyq aǵyndar elimizdiń basym bóliginde aýa raıyna yqpal etedi.