«Almaty Sý» bas dırektorynyń orynbasary men Qyzylorda oblysynda basqarma basshysy ustaldy

<p>ASTANA. KAZINFORM - Sybaılas jemqorlyqpen kúres agenttigi Almaty qalasy boıynsha departamenti aýyr qylmys jasady degen kúdikpen &laquo;Almaty Sý&raquo; ShJQ MKK bas dırektorynyń orynbasaryn ustady.</p>

Ol jergilikti kásipkerden oryndalǵan jumystardyń aktilerine qol qoıǵany jáne jasalǵan memlekettik satyp alý sharttary boıynsha aqshalaı qarajat tólegeni úshin 345 mln teńge kólemindegi buryn kelisilgen somadan 75 mln teńge alǵan.

Sol sııaqty, Qyzylorda oblysy boıynsha Sybaılas jemqorlyqqa qarsy qyzmet jergilikti ákimdiktiń kásipkerlik jáne ónerkásip basqarmasynyń basshysyn jalpy qamqorlyǵy men kelisimshartty uzartýǵa jáne jer qoınaýyn óndirý kólemin ulǵaıtý ruqsatyna qol qoıǵany úshin aıtarlyqtaı mólsherde para aldy degen kúdik boıynsha ustady.

«Kúdiktilerge qatysty sottyń sanktsııasymen „qamaýda ustaý“ túrindegi bultartpaý sharasy qoldanyldy.

Atalǵan ister boıynsha tergeý jalǵasýda.

Qylmystyq-protsestik kodeksiniń 201-babyna sáıkes ózge aqparat jarııa etýge jatpaıdy», — dep jazdy Antıkordan.

Aıta keteıik, «Bızneske jol» jobasy aıasynda aǵymdaǵy jyldyń basynan beri 43 problemalyq keıs sheshilip, 5 myń kásipkerdiń quqyqtary qorǵaldy.