Almaty stantsııasynan Jibek Joly týrıstik poıyzy saparyn bastady

<p>ASTANA. KAZINFORM &mdash; Búgin Almaty stantsııasynan Jibek Joly týrıstik poıyzy 5 kúndik saparǵa shyqty. Ulttyq tasymaldaýshy iske qosqan bul poıyz &laquo;Almaty&ndash;Túrkistan&ndash;Tashkent&ndash;Almaty&raquo; baǵyty boıynsha júredi.</p>

Týr 16-20 qarasha aralyǵynda 5 kúnge sozylady. Alǵashqy saparǵa 115 jolaýshy attandy.

«Bul joba Memleket basshysynyń týrızmdi damytý jónindegi tapsyrmasyna sáıkes «Qazaqstan temir joly» Ulttyq kompanııasynyń uıymdastyrýymen júzege asyryldy. Jobany damytýǵa QR Kólik mınıstrligi, Týrızm jáne sport mınıstrligi, Almaty qalasy men Túrkistan oblysynyń ákimdikteri, sondaı-aq, «Ózbekstan temir joldary» kompanııasy seriktes retinde úles qosty», - dep atap ótti «Jolaýshylar tasymaly» AQ Bas dırektorynyń orynbasary Muhıt Tursynbaev.

Týrıster Túrkistanda bir kún, Tashkentte eki kún ótkizedi. Baǵdarlama barysynda olar osy qalalardyń kórikti jerlerin, ásem tabıǵat aımaqtaryn jáne qasıetti oryndaryn aralaıdy.

Barlyq ekskýrsııa kásibı gıdterdiń súıemeldeýimen ótedi. Al marshrýt boıyndaǵy qozǵalys týrıstik avtobýstar arqyly uıymdastyrylady.

Poıyz quramyna Qazaqstanda shyǵarylǵan, buryn basqa baǵyttarda qoldanylmaǵan 5 jańa vagon qosylǵan. Qyzmet kórsetý tobyna poıyz bastyǵy, segiz jolserik jáne bir elektromehanık kiredi.

Poıyzdyń syrty memlekettik týdyń beınesimen bezendirilse, ishki bólimi ulttyq órnektermen áshekeılengen altyn tústi tósek-oryndarmen jabdyqtalǵan. Vagon-meıramhana dástúrli stılde bezendirilip, ulttyq jáne eýropalyq taǵamdardy qamtıtyn mázirdi usynady.

Aıta keteıik, týrıstik poıyz bıletteri týrıstik agenttikter arqyly satylǵan.