Almatyda zańsyz satylǵan Abaı atyndaǵy QazUPÝ ǵımaratynyń bir bóligi qaıtaryldy

<p>ALMATY. KAZINFORM - Almaty qalasy Medeý aýdanynyń prokýratýrasy &laquo;Abaı atyndaǵy Qazaq ulttyq pedagogıkalyq ýnıversıtetiniń&raquo; múlkin zańsyz ıelikten shyǵarý faktisin anyqtady, dep habarlaıdy Almaty qalasynyń prokýratýrasy.</p>

1997 jyly Jekeshelendirý jónindegi aýmaqtyq komıtet, oqý korpýsy ǵımaratynyń bir bóligin 196 000 teńgege zańsyz satty.

Sol jyly 62 000 teńgege 26 sotyq jer telimi de zańsyz satylǵan.

Ýnıversıtet ǵımaraty respýblıkalyq mańyzy bar tarıhı jáne mádenıet eskertkishterine jatady, al jer ýchaskesinde qalanyń eń eski sáýlet qurylystarynyń biri - «Eski qaqpa» ornalasqan.

Keıinnen oqý korpýsynyń ǵımaratynda «Eski qaqpa» atty meıramhana oıyn-saýyq mekemesi – uıymdastyrylǵan.

Medeý aýdanynyń prokýratýrasy jyljymaıtyn múlikti satyp alý-satý mámileleriniń kúshin joıý týraly sotqa shaǵym túsirdi.

«Sot sheshimimen qadaǵalaý organynyń talap aryzy qanaǵattandyrylyp, múlik qaıtaryldy, sheshim zańdy kúshine endi»,-delingen Almaty qalasy prokýratýrasynyń habarlamasynda.