Almaty prokýrorlary 960 gektar jerdi Ulttyq bankke qaıtaryp berdi

<p>ALMATY. KAZINFORM - Almaty prokýrorlary 960 gektar jerdi Ulttyq bankke qaıtaryp berdi, dep habarlaıdy Almaty qalalyq prokýratýrasynyń baspasóz qyzmeti.</p>

Baspasóz qyzmetiniń málimetterine qaraǵanda, qala prokýratýrasy sot aktileri men sot úkimderin taldaýdyń negizinde «Capital Bank Kazakhstan» AQ men «AsiaCreditBank» AQ taratylǵan bankterdiń jalǵyz aktsıoneri bolyp tabylatyn boryshkerdiń (Sh. jaýap berýshiniń) aktıvteri shyǵarylǵanyn anyqtady.

Jaýap berýshiniń qaryzy 15 mlrd-tan astam teńgeni qurady.

Prokýratýra QR Ulttyq banktiń múddesine qaraı, jaýap berýshi «Sh-nyń» jer ýchaskelerin satý-satyp alý sharttaryn jaramsyz dep taný jóninde talap aryz berdi.

Almaty oblysy Іle aýdandyq sotynyń sheshimimen Almaty qalasy prokýratýrasynyń talap-aryzdary tolyq kólemde qanaǵattandyryldy.

Sot alqasynyń qaýlysymen sot aktisi óz kúshinde qaldyryldy.