Almaty prokýrorynyń orynbasary ustalǵany týraly aqparat - jalǵan

<p>ALMATY. KAZINFORM &ndash; Almaty qalasynyń prokýratýrasy Aýǵanbaevtyń ustalǵany týraly aqparat shyndyqqa janaspaıtynyn resmı túrde málimdedi.&nbsp;</p>

«Almaty qalasy prokýrorynyń orynbasary N.J. Aýǵanbaevtyń ustalǵany týraly aqparat shyndyqqa janaspaıdy. Búgingi kúni ol kezekti eńbek demalysynda», - dep habarlady prokýratýradan.

Vedomstvo Qazaqstan Respýblıkasy Qylmystyq kodeksiniń 274-babyna sáıkes kórineý jalǵan aqparat taratqany úshin sondaı-aq «Buqaralyq aqparat quraldary týraly» Qazaqstan Respýblıkasy zańynyń 25-babyna sáıkes shyndyqqa sáıkes kelmeıtin málimetterdi taratý, Qazaqstan Respýblıkasynyń zańnamalyq aktilerinde kózdelgen jaýaptylyqqa ákep soǵatynyn eske saldy.

Almaty qalasynyń prokýratýrasy azamattardy, BAQ ókilderin, áleýmettik jelilerdi paıdalanýshylardy, Qazaqstan Respýblıkasynyń zańnamasyn múltiksiz saqtaýǵa jáne tek shynaıy aqparat kózderine ǵana senýge shaqyrady.

Buǵan deıin buqaralyq aqparat quraldarynyń birinde Almaty qalasy prokýrorynyń orynbasary Nurlan Aýǵanbaevtyń qamaýǵa alynǵany týraly aqparat taraǵan edi.