Almaty polıtsııasy kúsheıtilgen rejımge kóshti

<p>ALMATY. KAZINFORM &ndash; Almaty polıtsııasy qaladaǵy tártipti qamtamasyz etý boıynsha sharalar qabyldady. 10-20 mamyr aralyǵynda tártip saqshylary kúsheıtilgen rejımde jumys isteıdi.&nbsp;</p>

Almaty qalalyq polıtsııa departamentiniń málimetinshe, «Quqyqtyq tártip» jedel aldyn alý is-sharasyna Ulttyq ulannyń áskerı qyzmetshileri, polıtsııa qyzmetteri men bólimshe mamandary jumyldyryldy.

«Polıtsııa men áskerı qyzmetkerler kóshelerdi, aýlalardy, alańdardy, saıajaılardy jáne basqa da qoǵamdyq oryndardy aralaıdy. Polıtsııa, sonymen qatar kóshi-qon zańnamasyn, sonyń ishinde qurylys jáne saýda salalarynda quqyq buzýshylyqtardy anyqtaý maqsatynda tekserýler júrgizip jatyr. Sondaı-aq azamattyq qarý ıeleri men polıtsııanyń profılaktıkalyq esebinde turǵan adamdar tekseriledi», - dep atap ótti departamentten.

Budan bólek, habar-osharsyz ketken adamdardy, qylmyskerlerdi izdestirý, bótenniń múlkin urlaýmen, páter tonaýmen, urlyqpen aınalysatyn qylmystyq toptardy áshkereleý boıynsha polıtsııa departamentiniń jedel bólimsheleriniń jumysy kúsheıtildi. 

«Quqyqtyq tártip» is-sharasy – bul qylmystyq ahýaldy jaqsartýǵa, sondaı-aq qylmystar men quqyq buzýshylyqtardyń aldyn alýǵa, jolyn kesýge baǵyttalǵan aýqymdy shara», - dep habarlady vedomstvodan. 

Eske sala keteıik, Shymbulaq shyńyna shyǵyp, naýqastanyp qalǵan týrıske qutqarýshylar kómekke kelgenin habarlaǵan edik.