Almaty polıtsııasy kúsheıtilgen rejımge kóshti

<p>ALMATY. KAZINFORM &ndash; Almaty polıtsııasy qaladaǵy tártipti qamtamasyz etý boıynsha sharalar qabyldady.</p>

Almaty qalalyq polıtsııa departamentiniń málimetinshe, megapolıste kún saıyn 2 myńnan astam polıtsııa qyzmetkeri quqyqtyq tártipti qadaǵalaıdy.

Qoǵamdyq tártipti qamtamasyz etý, qylmystardyń, sondaı-aq basqa da zańsyz áreketterdiń der kezinde aldyn alý jáne jolyn kesý maqsatynda polıtsııa qyzmeti kúsheıtilgen rejımge kóshti.

Osyǵan oraı Polıtsııa departamentiniń basshysy Arystanǵanı Zapparov Almaty garnızonyna biryńǵaı saptúzeý ótkizdi.

«Qurmetti áriptester, qalamyzdaǵy qoǵamdyq qaýipsizdiktiń jaı-kúıi sizderdiń shuǵyl áreket etýlerińizge jáne nátıjeli jumystaryńyzǵa tikeleı baılanysty. Búgingi tańda Almaty polıtsııasynyń aldyńǵy qatarly materıaldyq-tehnıkalyq bazasy bar jáne qylmysqa qarsy kúresýge, quqyqtyq tártipti nyǵaıtýǵa qajettiniń bárimen qamtamasyz etilgen. Sonymen qatar azamattardyń konstıtýtsııalyq quqyqtary men bostandyqtaryn qorǵaý ishki ister organdarynyń birinshi kezektegi mindeti ekenin árqashan este ustaǵan jón», – dedi Arystanǵanı Zapparov.

Sondaı-aq Almaty polıtsııasynyń basshysy Іshki ister mınıstrliginiń qyzmet kórsetýdiń servıstik modeline kóshý jónindegi basym tujyrymdamalarynyń birin júzege asyrýǵa erekshe nazar aýdardy.