Almaty polıtsııasy kúsheıtilgen rejımge aýysty
Patrýldik polıtsııa qyzmetkerleri, ýchaskelik ınspektorlar, ıývenaldy polıtsııa men jedel bólimshelerdiń ınspektorlary qyzmettiń kúsheıtilgen nusqasyna aýystyryldy. Sonymen qatar tergeý-jedel toptar kúsheıtildi.
Qaladaǵy jalpy bilim beretin mektepter men medıtsınalyq mekemelerdiń jaǵdaıyna erekshe nazar aýdarylyp jatyr. Almatyda jedel jáne jol qozǵalysy jaǵdaıy turaqty jáne baqylaýda.
Soltústik-ońtústik-shyǵys-batys baǵyttaryndaǵy jol qozǵalysy avtokólik qozǵalysynyń kóbeıýine qaramastan, ádettegideı baǵdarshamnyń kómegimen júzege asyrylady. Kúrdeli qozǵalys jaǵdaıynda qozǵalys qolmen basqarýǵa aýystyrylady.
Janarmaı quıý beketteri de baqylaýǵa alyndy.
Almaty polıtsııasy jol qozǵalysyna qatysýshylardy jol qozǵalysy erejelerin qatań saqtaýǵa shaqyrady.
Sondaı-aq azamattardyń múlkiniń saqtalýyn qamtamasyz etý jáne qylmystardyń aldyn alý boıynsha profılaktıkalyq is-sharalar júrgizildi.
Sonymen qatar Almaty polıtsııasy azamattardy aqparattyq mádenıettilikke shaqyrady jáne tek resmı aqparat kózderinen alynǵan málimetterge senýdi usynady.