Almaty polıtsııasy mektep oqýshysynyń zorlanýyna qatysty isti toqtatty

<p>ALMATY. KAZINFORM &ndash; Almaty polıtsııasy qaladaǵy halyqaralyq mektepterdiń birinde birinshi synyp oqýshysy zorlandy degen kúdikpen qozǵalǵan qylmystyq isti toqtatty.</p>

Qalalyq polıtsııa departamentiniń málimetinshe, atalǵan fakti boıynsha qylmystyq isti tergeý qylmys quramnyń bolmaýyna baılanysty toqtatyldy.

«Zorlaý faktisi saraptamalar men mamandardyń zertteýlerimen rastalǵan joq. Qalalyq prokýratýra tergeý sheshimimen kelisti», - dep habarlady Almaty polıtsııa departamentiniń baspasóz qyzmeti.

Byltyr qazan aıynda Almaty turǵyny 1-synyptaǵy balasynyń zorlanǵany týraly málimdeme jasaǵan bolatyn. 

Almaty qalalyq Polıtsııa departamenti bastyǵynyń birinshi orynbasary Nurlan Almasbekov atalǵan derek Bostandyq aýdany polıtsııa basqarmasynda QR QK-niń 121-baby 3-bóligi boıynsha tirkelgenin jáne birqatar saraptama taǵaıyndalǵanyn aıtqan edi. 

Keıin 7 jasar balanyń anasy saraptama qortyndysymen kelispeıtinin jetkizip, taǵy bir málimdeme jasady. Ol elimizdiń Іshki ister mınıstri men Bas prokýroryna júgindi.