Almaty polıtseıleri júrgizýshilerge eskertý jasady

<p>ALMATY. KAZINFORM &ndash; Almaty polıtseıleri kólik júrgizýshilerine qysqy dóńgelekke aýysý qajettigin eskertti.</p>

«Aldaǵy kúnderi kún buzylyp, jańbyr men qar jaýýy, sondaı-aq aýa temperatýrasynyń tómendeýi múmkin. Osyǵan oraı, jol qozǵalysy qaýipsizdigin saqtaý úshin kólik júrgizýshileri men avtokólik ıelerine dóńgelekterin qysqy kezeńge aýystyrýdy aldyn ala josparlaýdy usynamyz», – dedi polıtsııa departamenti ákimshilik polıtsııa basqarmasynyń bastyǵy Ashat Qulbaev.

Sonymen qatar, ol 1 jeltoqsan bastap, dóńgelegin aýystyrmaǵan júrgizýshilerge aıyppul salynatynyn eske saldy. Ereje buzǵandar Ákimshilik kodekstiń 590-baby 5-bóligi boıynsha 5 AEK kóleminde aıyppul tóleıdi.

Osyǵan deıin kúnniń sýytýyna baılanysty Almatynyń kommýnaldyq qyzmeti kúsheıtilgen jumys rejımine kóshkeni týraly jazǵan edik.

Almatynyń kommýnaldyq qyzmetteri kóktaıǵaqqa qarsy jumystardy jedel júrgizýge daıyn. Bul jumysqa 10 merdiger uıym, 841 tehnıka jáne 1405 jumysshysy jumyldyryldy. Kóktaıǵaqqa qarsy 76 tonna materıal daıyndaldy.