«Almaty-Óskemen» tasjolynda jol apatynan 1 adam kóz jumdy

<p>&nbsp; &laquo;Almaty-Óskemen&raquo; tasjolynyń Shyǵys Qazaqstan oblysyndaǵy aýmaǵynda jol apatynan 1 adam mert boldy, dep habarlaıdy <a href="https://kaz.inform.kz/" target="_blank" rel="noopener">Kazinform.</a></p>

Jol-kólik oqıǵasy 9 qarasha kúni «Almaty-Óskemen» tasjolynyń 1075-shaqyrymynda bolǵan. «Zıl» jáne «VAZ-2114» kólikteri soqtyǵysyp qaldy. Sonyń saldarynan bir jolaýshy sol jerde til tartpaı ketti.

«Qazirgi ýaqytta atalǵan fakti boıynsha QR Qylmystyq Kodeksiniń 345-baby 3-bóligine (kólik quraldaryn basqaratyn adamdardyń abaısyzda adam ólimine ákep soqqan jol qozǵalysy nemese kólik quraldaryn paıdalaný erejelerin buzýy) sáıkes sotqa deıingi tergeý amaldary bastaldy. Oqıǵa ornynda jedel-tergeý toby jumys istep jatyr. Barlyq mán-jaı anyqtalýda», - dep habarlady ShQO Polıtsııa departamentiniń baspasóz qyzmeti.

Osy rette, polıtseıler kólik júrgizýshilerine jol qozǵalysy erejelerin qatań saqtaýdy, ózderiniń jáne jaqyndarynyń qaýipsizdigin oılaýdy eskertti.