«Almaty-Óskemen» tasjolynda kólik kópirden qulap, 23 jastaǵy er adam kóz jumdy

<p>ÓSKEMEN. KAZINFORM &ndash; Respýblıkalyq mańyzy bar &laquo;Almaty-Óskemen&raquo; tasjolynda kólik kópirden qulap, 23 jastaǵy er adam mert boldy.</p>

Jol-kólik oqıǵasy «Almaty-Óskemen» tasjolynyń Abaı oblysyna qarasty aýmaǵynda tirkelgen. Joldyń 976 shaqyrymynda kele jatqan «Lada Kalina» markaly avtokóligi kópirden qulap ketken.

«Er adam rýldi basqara almaı qalyp, metall qorshaýlarǵa soqtyǵysyp, kópirden qulady. 23 jastaǵy júrgizýshi sol jerde qaza boldy», - dep habarlady oblystyq Polıtsııa departamentiniń baspasóz qyzmetinen.

Qazirgi ýaqytta oqıǵanyń barlyq mán-jaıy anyqtalyp jatyr. Osy rette polıtseıler júrgizýshilerden jol erejesin saqtaýǵa, jolda barynsha abaı bolýǵa shaqyrdy.