Almaty Ortalyq stadıonynyń basqarýshysy qyzmetinen ketti

<p>ALMATY. KAZINFORM - Almatynyń bas fýtbol alańy - Ortalyq stadıon basqarýshysy Baýyrjan Jumajanov qyzmetinen bosatyldy.</p>

Almaty qalasynyń sporttyq nysandary dırektsııasynyń málimetinshe, Ortalyq stadıonynyń batys sektoryndaǵy alty qatar qardan ýaqytyly tazalanbaǵan. Sonyń kesirinen «Astana» men «Chelsı» oıynyna kelgen jankúıerlerge qolaısyzdyqtar týyndaǵan.

- «Ortalyq stadıon» nysanynyń basqarýshysy Baýyrjan Jumajanov qyzmetinen shettetildi. Jankúıerlerdiń jaılylyǵy biz úshin asa mańyzdy, ásirese, osyndaı mańyzdy oıyndarda. Bolashaqta mundaı jaǵdaılardyń qaıtalanbaýy úshin bar kúshimizdi salamyz, - dep habarlady Almaty qalasynyń sporttyq nysandary dırektsııasynan.

Eske salaıyq, búgin Ortalyq stadıonda «Astana» men «Chelsı» arasyndaǵy oıyn ótti.