Almaty oblysynyń jol polıtsııasy jasandy ıntellektini paıdalana bastady

<p>QONAEV. KAZINFORM - Almaty oblysynyń polıtseıleri jol qaýipsizdigin qamtamasyz etý jáne joldardaǵy apattylyqty azaıtý maqsatynda ınnovatsııalyq tehnologııalardy engizip jatyr.</p>

Atap aıtqanda, jasandy ıntellektpen jabdyqtalǵan «Sergek Patrol» mobıldi apparattyq-baǵdarlamalyq kesheni bar patrýldik avtomobılder paıdalanýǵa berildi.

Foto: Almaty oblysynyń Polıtsııa departamenti

– Búginde mobıldi ABK eki avtomobılde ornatylǵan, olardy 10 patrýldik mashınada paıdalaný josparlanǵan. «Sergek Patrol» jyldamdyqty arttyrý, jol belgilerin saqtamaý jáne turaqqa durys turmaý sııaqty zańbuzýshylyqtardy avtomatty túrde túsirý úshin jetildirilgen kameralar jáne radarlarmen jabdyqtalǵan. Júıeni engizý jol baqylaýynyń tıimdiligin arttyrýǵa, júrgizý mádenıetin qalyptastyrýǵa, sondaı-aq oblys joldaryndaǵy apatty azaıtýǵa baǵyttalǵan, – dedi oblystyq departament bastyǵynyń orynbasary Eljan Chýpekov.

Foto: Almaty oblysynyń Polıtsııa departamenti

Eske salaıyq, buǵan deıin Almaty oblysynda jol apatynan 48 jastaǵy áıel qaıtys bolǵanyn jazǵan edik.

Sondaı-aq, birer kún buryn Almaty oblysynda kólik aǵashqa soǵylyp, bir adam mert boldy.