Almaty oblysynyń turǵyny memlekettik qyzmetkerge til tıgizgeni úshin jazalandy

<p>QONAEV. KAZINFORM - Almaty oblysy Qarasaı aýdandyq soty memlekettik qyzmetkerge til tıgizgen turǵynǵa 172 500 teńge aıyppul saldy.</p>

Sottyń habarlaýynsha, 2023 jyly 23 qarasha kúni saǵat 16:50-de M. jábirlenýshi G-nyń qyzmettik telefonyna «WhatsApp» jelisi arqyly dybystyq habarlama jibergen. Onda ony balaǵattap, abyroıy men qadir-qasıetine sóz keltirip, ádepsiz túrde kemsitken. 

Aıyptalýshy M.-nyń kinási is boıynsha jınaqtalǵan dáleldemelermen, sonyń ishinde mátindik jáne dybystyq habarlamalardyń skrınshottary arqyly keltirilgen jábirlenýshiniń aıǵaqtarymen dáleldendi. Sondaı-aq onyń jas balalary bar ekeni eskerilip, atalǵan azamattyń qylmystyq jaýaptylyǵy men jazasy jeńildetildi. 

Sot QK-niń 131-babynyń 2-bóligimen aıyptalýshy M-ny kináli dep tanyp, oǵan osy bap boıynsha jaza retinde 50 AEK, ıaǵnı, 172 500 teńge aıyppul taǵaıyndady. 

Úkim zańdy kúshine endi.