Almaty oblysynyń turǵyny alma baǵynda qarasora ósirgen

<p>Almaty oblysynda alma baǵynan iri kólemde qarasora plantatsııasy anyqtaldy. Bul týraly Іshki ister mınıstrliginiń ókili Shuǵyla Turlybek málim etti, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

«Almaty oblysyn tikushaqpen tekserý kezinde polıtsııa qyzmetkerleri Túrgen aýylynyń mańynda «úndi» qarasorasynyń plantatsııasyn tapty. Qarasora alma baǵynda 15 gektar jerde ósirilgen. Jemis aǵashtarynyń arasynda jasyrylyp otyrǵyzylǵan esirtki ósimdigi tolyq sýarylyp, baptalǵan. Esirtki ónimin jasyrý úshin ony ósirýshiler osy tásildi jıi qoldanady. Kóbine olar júgeriniń, jemis aǵashtarynyń jáne basqa da daqyldardyń plantatsııasynda ósirip jatady. Sondyqtan qarasorany kúz aıaǵynda ıaǵnı aǵashtar jemis berip, japyraqtary túse bastaǵan shaqta anyqtaý múmkindigi bar», - dedi Shuǵyla Turlybek mınıstrlikte ótken brıfıngide.

Onyń aıtýynsha, jer ýchaskesiniń ıesi – buryn esirtki qylmysy úshin jaýapqa tartylǵan jergilikti turǵyn. Odan jalpy salmaǵy 2,8 tonna bolatyn 900-den astam úndi qarasorasynyń butasy tárkilendi.

«Qarasoranyń bul sorty 4 metrge deıin jetetin uzyndyǵymen jáne salmaǵy 10 keli butasymen erekshelendi. Mundaı marıhýananyń bir kelisiniń quny qara naryqta jarty mıllıon teńgege jetedi. Sondyqtan quramynda esirtki bar ósimdikterdi jınaýǵa, ósirýge jáne satýǵa baılanysty qylmystardyń jolyn kesýge baǵyttalǵan «Qarasora» arnaıy operatsııasy maýsym aıynan qazan aıynyń sońyna deıin jalǵasady», - deıdi ol.