Almaty oblysynyń turaqtandyrý qorynda 2,5 tonna azyq-túlik bar

<p>QONAEV. KAZINFORM - Almaty oblysynyń turaqtandyrý qorynda jasalǵan forvardtyq jáne tikeleı sharttar sheńberinde 2 456 tonna kóleminde ónim qalyptastyryldy. Bul týraly Almaty oblysynyń ákimdigi habarlady.</p>

Turaqtandyrý qoryndaǵy azyq-túlikter: 1767 tonna qant, 158 tonna un, 68 tonna kúrish, 73 tonna qaraqumyq jarmasy, 20 tonna rojkı, 330 tonna ósimdik maıy jáne 40 tonna tuz.

- Áleýmettik mańyzy bar azyq-túlik taýarlaryn satý oblystyń aýdandary men qalalaryndaǵy saýda núktelerimen agenttik kelisimder negizinde, sondaı-aq apta saıyn Qonaev qalasyndaǵy senbi jármeńkelerinde júrgiziledi, - dep habarlady oblystyq ákimdikten.

2024 jyldyń qyrkúıek aıyndaǵy jaǵdaı boıynsha turaqtandyrý qorynyń ónimi mynadaı baǵalar boıynsha satyldy:

1) qant: turaqtandyrý qorynyń baǵasy - 364 tg/kg, sóredegi baǵasy - 382 tg/kg;
2) birinshi surypty bıdaı uny: turaqtandyrý qorynyń baǵasy - 160 tg/kg, sóredegi baǵasy - 176 tg/kg;
3) kúrish: turaqtandyrý qorynyń baǵasy - 331 tg/kg, sóredegi baǵasy - 364 tg/kg;
4) qaraqumyq jarmasy: turaqtandyrý qorynyń baǵasy - 184 tg/kg, sóredegi baǵasy - 202 tg/kg;
5) rojkı: turaqtandyrý qorynyń baǵasy - 226 tg/kg, sóredegi baǵasy - 249 tg/kg;
6) kúnbaǵys maıy: turaqtandyrý qorynyń baǵasy - 546 tg/l, sóredegi baǵasy - 600 tg/l;
7) tuz: turaqtandyrý qorynyń baǵasy - 60 tg/kg, sóredegi baǵasy - 65 tg/kg.

Eske salaıyq, buǵan deıin Elorda ákimdigi kásipkerlermen 25 myń tonna ónimmen qamtýǵa keliskenin jazǵanbyz.