Almaty oblysynyń TÚKSh jáne abattandyrý basqarmasyna jańa basshy taǵaıyndaldy

<p>QONAEV. KAZINFORM &mdash; Almaty oblysy ákiminiń ókimimen Qojabekov Dımash Abdýarsuly Almaty oblysynyń turǵyn úı-kommýnaldyq sharýashylyq jáne abattandyrý basqarmasy basshysynyń mindetterin atqarýshy retinde taǵaıyndaldy.</p>

Dımash Abdýarsuly 1986 jyly Almaty qalasy, Túrksib aýdanynda dúnıege kelgen. Bilimi joǵary, 2009 jyly Q.I. Sátpaev atyndaǵy Qazaq ulttyq tehnıkalyq ýnıversıtetin «elektroenergetıka» mamandyǵy, 2012 jyly Abaı atyndaǵy Qazaq ulttyq pedagogıkalyq ýnıversıtetin «quqyqtaný jáne ekonomıka negizderi» mamandyǵy, 2015 jyly Sh. Ýálıhanov atyndaǵy Kókshetaý memlekettik ýnıversıtetin «zańtaný» mamandyǵy boıynsha bitirgen.

Eńbek jolyn Abaı atyndaǵy Qazaq ulttyq pedagogıkalyq ýnıversıtetiniń jastar isi jónindegi komıtet tóraıymynyń orynbasary bolyp bastady.

Ár jyldary «Kazelektromontaj» AQ ınjener-smetchıgi, Abaı atyndaǵy Qazaq ulttyq pedagogıkalyq ınstıtýtynyń veb-dızaıneri, Almaty qalasy ákimi apparatynyń zańgeri, «Almaty qalasy Sharýashylyq basqarmasy» JShS-niń zań qyzmeti bóliminiń bastyǵy, Almaty qalasynyń QR Prezıdenti is basqarmasy ákimshilik ǵımarattar dırektsııasynyń bólim bastyǵy, Almaty qalasy densaýlyq saqtaý basqarmasynyń № 5 Perzenthana bas dárigerdiń ákimshilik-sharýashylyq bólim boıynsha orynbasary, personaldy basqarý qyzmeti bóliminiń basshysy, Almaty qalasy tabıǵı resýrstar jáne tabıǵatty paıdalanýdy retteý basqarmasynyń bólim basshysy boldy.

Sondaı-aq, QR Aqparat jáne qoǵamdyq damý Azamattyq qoǵam isteri komıteti basqarmasynyń basshysy, Qostanaı oblysy tabıǵı resýrstar jáne tabıǵatty paıdalanýdy retteý basqarmasy basshysynyń orynbasary, Almaty oblysy ákimi apparatynyń qarjy-sharýashylyq bóliminiń basshysy bolyp jumys istedi.

2023 jyldyń qyrkúıek aıynan bastap Almaty oblysy tabıǵı resýrstar jáne tabıǵatty paıdalanýdy retteý basqarmasy basshysynyń orynbasary laýazymynda qyzmet etti.

Osyǵan deıin Mańǵystaý oblysy Munaıly aýdanynyń ákimi taǵaıyndalǵanyn jazǵan edik.