Almaty oblysynyń taýlarynda qar kóshkini júrýi múmkin

<p>ALMATY. KAZINFORM &ndash; Almaty oblysynyń taýlarynda 12 &ndash; 15 aqpan kúnderi qar kóshkini júrý qaýpi saqtalady.</p>

Qar kóshkini qaýpine baılanysty Almaty oblysynyń tótenshe jaǵdaılar departamenti azamattardan, týrıster men demalýshylardan qarly betkeılerge shyqpaýdy, sondaı-aq, taýly jerlerde barlyq qaýipsizdik sharalaryn saqtaýǵa shaqyrdy.

«Almaty oblysynyń aýmaǵynda Іle-Alataý taýlarynyń ońtústik betkeıinde Eńbekshiqazaq, Talǵar jáne Qarasaı aýdandarynda 55 kóshkin qaýpi bar ýchaske bar. Negizinen qar kóshkininiń túsýi temperatýra fonynyń joǵarylaýy men jańbyr, qar túrinde mol jaýyn-shashynnyń túsýine baılanysty bolady», - dep eskertti Almaty oblysynyń tótenshe jaǵdaılar departamenti.

Eske salaıyq, 11 aqpan kúni Almaty taýlarynda Assy observatorııasynyń janynda ózdiginen qar kóshkini júrdi. Osyǵan baılanysty Esik qalasy — Esik kóli — Túrgen avtojolynyń 15-41 shaqyrymy, sondaı-aq Túrgen aýyly — Batan — Assy observatorııasy avtojolynyń 20-41 shaqyrymy arasynda 1 mamyrǵa deıin jol jabyldy.