Almaty oblysynyń sheneýnikteri 20 mln teńgege kompıýter satyp almaq bolǵan

<p>Almaty oblysynyń Tsıfrlyq tehnologııalar basqarmasy bir noýtbýkti 598 214 teńgege satyp almaq bolǵan. Bul jóninde QR Sybaılas jemqorlyqqa qarsy is-qımyl agenttiginiń Almaty oblysy boıynsha departamenti málimdedi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Departamentten atap ótkendeı, Almaty oblysynyń tsıfrlyq tehnologııalar basqarmasy kompıýterlerdi joǵary baǵamen satyp alǵysy kelgen. Onyń jalpy quny 20 mln teńge.

«Bir danasy úshin 497 265 teńge baǵasymen 32 kompıýter, bir danasy úshin 514 880 teńge baǵasymen 3 noýtbýk jáne bir danasy úshin 598 214 teńge baǵasymen 4 monoblok satyp alýǵa konkýrs jarııalaǵan. Monıtorıng kezinde atalǵan taýarlardyń baǵasy 102,78%, 77,54% jáne 60%-ǵa joǵary bolǵany anyqtaldy»,- dep habarlady departamentten.

Antıkordyń aralasýynan keıin joǵaryda atalǵan memlekettik satyp alýlar toqtatyldy jáne konkýrs qaıtadan ótkiziletin boldy.