Almaty oblysynyń fermerlerine 200 mln teńgege jýyq sýbsıdııa tólenbegen
21:54, 04 Maýsym 2024
<p>QONAEV. KAZINFORM – Almaty oblysynyń 110 fermeri sýbsıdııaǵa 2023 jyldyń shildesinde ótinish bergen. Alaıda, kúni búginge deıin aqshany ala almaǵan. </p>
Almaty oblysynyń aýyl sharýashylyǵy basqarmasynda óńir prokýratýrasy júrgizgen tekserý fermerler aldyndaǵy bereshektiń jalpy somasy 199 mln teńgege jetkenin anyqtady.
«Fermerler sýbsıdııaǵa ótinimderin 2023 jyldyń shildesinde bergenine qaramastan, tólemder 2024 jylǵa deıin keshiktirildi. Ótinimder zańǵa sáıkes, 14 jumys kún ishinde qaralýy tıis», - dep atap ótti vedomstvodan.
Oblystyq prokýratýra barlyq fermerlerdiń sýbsıdııalaryn alýyn qamtamasyz etý úshin sharalar qabyldady jáne mundaı jaǵdaılardyń bolashaqta qaıtalanbaýy úshin ótinimderdi ýaqtyly qaraýdy qamtamasyz etetin uıymdastyrýshylyq jáne nusqaýlyq sharalar engizdi.