Almaty oblysynyń aýylynda besinshi «jaıly mektep» ashyldy

<p>ASTANA. KAZINFORM &ndash; &laquo;Jaıly mektep&raquo; ulttyq jobasy aıasynda salynǵan mektepterdiń 40%-dan astamy aýyldyq jerlerde ornalasqan, dep habarlaıdy Oqý-aǵartý mınıstrliginiń baspasóz qyzmeti.</p>

Memleket basshysynyń tapsyrmasy boıynsha elimizde «Jaıly mektep» ulttyq jobasy qarqyndy júzege asyrylýda. Almaty oblysynyń Kókózek aýylynda ornalasqan kezekti 36-shy mektep esigin aıqara ashty. 

Foto: Oqý-aǵartý mınıstrligi

1500 oqýshyǵa arnalǵan mektep zamanaýı standarttar boıynsha jabdyqtalǵan jáne qalalyq mektepterden kem túspeıdi. Atalǵan mektep 68 oqý kabınetimen, STEM-zerthanalarmen, robototehnıka kabınetterimen, horeografııalyq zalmen, sport zaldarymen, demalys jáne netvorkıng ortalyqtaramen jabdyqtalǵan. 

Onda erekshe bilim berý qajettilikteri bar balalar úshin barlyq jaǵdaı qarastyrylǵan, ár oqýshy úshin jeke shkaftary bar. Sonymen qatar barlyq oqý kabınetteri jańa tehnologııalarmen – ınteraktıvti taqtalarmen jáne kompıýterlermen jabdyqtalǵan, bul oqytýdyń ınnovatsııalyq ádisterin engizýge jáne bilim berý protsesiniń sapasyn arttyrýǵa yqpal etedi.

Foto: Oqý-aǵartý mınıstrligi

Aıta keteıik, bul – «Jaıly mektep» ulttyq jobasy aıasynda Almaty oblysynyń aýyldyq jerlerinde salynǵan besinshi mektep. Jalpy, bıylǵy jyldyń basynan beri elimizde 36 jaıly mektep paıdalanýǵa berildi, onyń 15-i aýyldyq eldi mekenderde ornalasqan.

Buǵan deıin habarlaǵanymyzdaı, Shymkentte 18 jaıly mektep salynady.