Almaty oblysyndaǵy iri esirtki zerthanasy joıyldy

<p>ІІM esirtki qylmysyna qarsy is-qımyl departamentiniń qyzmetkerleri Shyǵys Qazaqstan, Almaty oblystarynyń aýmaqtyq jáne arnaıy maqsattaǵy bólimshelerimen birlesip, prokýratýra organdarynyń úılestirýmen Almaty oblysy Qarasaı aýdanynyń aýmaǵynda ornalasqan jasyryn zerthanany joıý boıynsha iri operatsııa júrgizdi, dep habarlaıdy <a href="https://kaz.inform.kz/" target="_blank" rel="noopener">Kazinform</a> <a href="https://polisia.kz/iim-sintetikalyq-esirtki-dajyndau-bojynsha-zhasyryn-esirtki-zerthanasyn-zhojdy/" target="_blank" rel="noopener">Polisia.kz</a>-ke silteme jasap.</p>

 Uzaq merzimdi jedel-izdestirý is-sharalarynyń nátıjesinde 4 jeltoqsanda saıajaı úıiniń aýmaǵynda esirtki zerthanasyn uıymdastyrǵan eki er adam ustaldy, olardyń biri - jaqyn sheteldiń azamaty.

Úı-jaıdy tintý kezinde 130 kg prekýrsor, zerthanalyq jabdyq (reaktor, shyny kolbalar, elektrondyq tarazylar, jylý zeńbirekteri, tynys alý maskalary) jáne shamamen 12 kg daıyn mefedron psıhotroptyq zaty tárkilendi.

– Esirtki zattaryn ótkizý maqsatynda zańsyz daıyndaǵany, saqtaǵany, sondaı-aq ótkizgeni úshin Qazaqstan Respýblıkasy Qylmystyq kodeksiniń 297-baby 3-bóligi boıynsha sotqa deıingi tergep-tekserý bastaldy.

Esterińizge sala keteıik, adamdar tobynyń aldyn ala sóz baılasýy arqyly asa iri mólsherde jasalǵan bul qylmystar úshin múlki tárkilenip, on jyldan on bes jylǵa deıingi merzimge bas bostandyǵynan aıyrý jazasy kózdeledi, – dedi QR ІІM esirtki qylmysyna qarsy is-qımyl departamenti bastyǵynyń orynbasary Sarqytbaı Qusaıynov.