Almaty oblysyndaǵy mektepte oqýshy qyz qaıtys boldy

<p>ALMATY. KAZINFORM &ndash; Almaty oblysy Qarasaı aýdanyndaǵy mektepterdiń birinde 10 jasar oqýshy qyz sabaq ústinde kóz jumdy.</p>

Almaty oblystyq bilim basqarmasy qaıǵyly jaǵdaıdy rastady.

Vedomstvo málimetinshe, 23 sáýirde Qarasaı aýdany Q.Qoshmambetov atyndaǵy orta mektepte 2014 jyly týǵan 4-synyp oqýshysy qaıtys boldy.

«Sabaq kezinde qyz bala ózin nashar sezinip, esinen tanyp qalǵan. Medıtsınalyq kómek QR Densaýlyq saqtaý mınıstriniń buıryǵyna sáıkes kórsetildi. Medıtsına mamandarynyń áreketine qaramastan mektep oqýshysy jedel járdem kóliginde kóz jumdy», - dep túsindirdi vedomstvodan.

Qazir quqyq qorǵaý organdary bul oqıǵanyń mán-jaıyn anyqtap jatyr.