Almaty oblysynda zorlaý isi boıynsha aıyptalǵan er adam qamaýdan qashyp ketti

<p>QONAEV. KAZINFORM - Talǵar aýdandyq polıtsııa basqarmasynyń ýaqytsha ustaý ızolıatorynan zorlaý jasady degen kúdikpen qamaýda otyrǵan azamat K. qashyp ketti.</p>

Almaty oblystyq Polıtsııa departamentiniń baspasóz qyzmeti málim etkendeı, osyǵan baılanysty «Dabyl» jospary engizildi. Negizgi joldarǵa blok-beketter qoıylyp, qashqyndy izdep tabý jáne ustaý úshin barlyq kúsh pen quraldar jumyldyryldy.

«Sonymen qatar, qashý jaǵdaıyn anyqtaý úshin qyzmettik tekserý taǵaıyndaldy. Jaǵdaı oblystyq polıtsııa departamenti basshylyǵynyń baqylaýynda», — dep habarlady vedomstvodan.

Aıta keteıik, buǵan deıin Aqtóbede jasóspirimge seksýaldy zorlyq kórsetken er adam 20 jyl túrmege qamalǵanyn jazǵan edik.